Matur | Jólauppskriftir KYNNING | 18.12.2021 | 19:03

Síld að hætti Jómfrúarinnar

Ljósmynd/Heiðdís Guðbjörg Gunnarsdóttir

Út kom á dögunum bókin Jómfrúin sem er í senn einstaklega fróðleg og falleg bók. Þar er stiklað á stóru í sögu þessa merkilega veitingastaðar auk þess sem lykiluppskriftir úr eldhúsinu koma fyrir augu almennings í fyrsta skipti. Bókin er því sannkallaður fjársjóður og skyldueign inn í hvert eldhús sem kann að meta gott smørrebrød upp á danska mátann. Hér gefur að líta uppskrift að sérrí- og sinnepssíld að hætti Jómfrúarinnar. Njótið vel!

Síld að hætti Jómfrúarinnar

Sérrí-síldardressing (kryddsíld)

100 ml tómatsósa
100 ml Heinz-chilisósa
50 ml sérrí

Blandið öllu vel saman.

Sinnepsdressing (kryddsíld)

100 g dijonsinnep fínt
100 g dijonsinnep grófkorna
100 g púðursykur
2 msk. þurkað dill

Blandið öllu vel saman.

Síldardiskur

Uppskrift:

1 sneið danskt rúgbrauð með smjöri
150 g síld (að eigin vali)
1 salatblað
1 soðið egg
4 hringir rauðlaukur
1 msk. kapers
ferskt dill

Aðferð:

Leggið salatblaðið á smurt rúgbrauðið og raðið eggjabátum í u. Setjið síldina í miðjuna og raðið svo rauðlauk og kapers snyrtilega yfir síldina. Skreytið með fersku dilli.

Hér er uppskrift að smurbrauði og það er um að gera að leyfa ímyndunaraflinu ráða hvað síld verður fyrir valinu.