Bayonne skinka og hátíðarmeðlæti

mbl.is/Berglind Hreiðarsdóttir

Bayonne skinka er í uppáhaldi hjá mörgum og hér gefur að líta uppskrift að henni ásamt algjörlega mögnuðu meðlæti. Við erum að tala um gratinerað rósakál, karamellukartöflur og sósu sem gerir allt vitlaust.

Það er Berglind Hreiðars á Gotteri.is sem á heiðurinn að þessari tímamóta snilld.

Bayonne skinka og hátíðarmeðlæti

Fyrir 4-6 manns

Bayonne skinka uppskrift

  • Um 1,7 kg Bayonne skinka
  • Gljái (sjá uppskrift að neðan)
  • 1 l vatn

Aðferð:

  1. Hitið ofninn í 150°C og setjið 1 l af vatni í ofnskúffu neðst í ofninum.
  2. Takið netið af skinkunni og setjið hana á ofngrind, penslið 1 x með gljáanum. Stingið kjöthitamæli inn í hana miðja og komið grindinni fyrir í ofninum fyrir ofan skúffuna með vatninu. Penslið 1-2 x á skinkuna á meðan hún er í ofninum.
  3. Eldið skinkuna með þessum hætti þar til kjarnhiti sýnir um 55°C og hækkið þá hitann á ofninum í 210°C og penslið aftur eina lokaumferð með gljáa. Eldið þar til kjarnhiti sýnir 67°C og leyfið þá skinkunni að standa í að minnsta kosti 15 mínútur áður en hún er skorin í sneiðar.
  4. Ef þið eigið ekki kjöthitamæli er gott að miða eldunartíma við 45 mín til klukkustund á hvert kíló.

Gljái uppskrift

  • 150 g púðursykur
  • 1 msk. dijon honey sinnep
  • 1 msk. tómatsósa
  • 1 msk. bbq sósa
  • 50 ml rjómi

Aðferð:

  1. Bræðið allt saman í potti, leyfið að bubbla stutta stund og slökkvið svo á hellunni.
  2. Penslið á skinkuna áður og á meðan hún er í ofninum og nýtið einnig í sósuna.

Sósa uppskrift

  • ½ rauðlaukur
  • 40 g smjör
  • 1 pakki TORO steikarsósa
  • 1 pakki TORO rauðvínssósa
  • 400 ml rjómi
  • 350 ml vatn
  • 3 msk. gljái (sjá uppskrift að ofan)
  • 1 msk. kjötkraftur
  • ¼ tsk. Cheyenne pipar
  • Salt og pipar eftir smekk

Aðferð:

  1. Skerið laukinn smátt niður og steikið upp úr smjöri þar til hann mýkist.
  2. Bætið þá rjóma og vatni í pottinn og pískið bæði súpubréfin saman við.
  3. Setjið gljáa og kraft saman við og smakkið til með kryddum.

Rósakálsgratín

  • 1 poki ferskt rósakál
  • ½ laukur
  • 2 hvítlauksrif rifin
  • 20 g smjör
  • 1 msk. Bezt á allt krydd
  • 1 tsk. soyasósa
  • 100 ml rjómi
  • 50 g Primadonna ostur

Aðferð:

  1. Snyrtið rósakálið og skerið til helminga.
  2. Sjóðið í um 7 mínútur og hellið vatninu þá af.
  3. Steikið lauk og hvítlauk upp úr smjöri þar til mýkist og bætið þá rósakálinu á pönnuna.
  4. Kryddið með Bezt á allt og soyasósu, hellið rjómanum yfir og leyfið aðeins að malla.
  5. Setjið þá í eldfast mót og rífið Primadonnu ost yfir.
  6. Bakið við 200°C í um 10 mínútur eða þar til osturinn er bráðinn og fer aðeins að gyllast.

Ávaxtasalat

  • 2 gul epli
  • 150 g jarðarber
  • ½ banani
  • 40 g saxað suðusúkkulaði
  • 40 g saxaðar pekanhnetur
  • 250 ml þeyttur rjómi

Aðferð:

  1. Flysjið og skerið eplin smátt niður ásamt jarðarberjum og banana.
  2. Blandið suðusúkkulaði og pekanhnetum saman við og loks þeytta rjómanum með sleikju.

Karamellukartöflur

  • Um 900 g kartöflur
  • 200 g sykur
  • 30 g smjör
  • 50 ml rjómi

Aðferð:

  1. Setjið sykurinn á pönnu við háan hita.
  2. Þegar hann byrjar að leysast upp þarf að lækka hitann, setja smjörið saman við og hræra vel saman.
  3. Næst má setja rjómann saman við og leyfa blöndunni aðeins að „bubbla“ og hella kartöflunum á pönnuna og velta upp úr karamellunni.
mbl.is/Berglind Hreiðarsdóttir
mbl.is/Berglind Hreiðarsdóttir
mbl.is