Jólalambið í öllu sínu veldi

Lambahryggur

• 3 msk. lamb islandia
• 3 msk. 5 krydd
• 3 msk. icelandic herb mix
• ½ msk. salt
• ½ msk. pipar
• 4 msk. olía
• 3 greinar timían
• 2 greinar rósmarín

Aðferð

1. Hitið ofninn í 200°C.
2. Blandið öllu þurrkryddi og olíu saman og nuddið hrygginn með kryddblöndunni. Skerið meðfram hryggnum og setjið timían- og rósmaríngreinarnar ofan í skurðinn.
3. Brúnið lambið í um það bil tíu mínútur.
4. Takið lambið út, lækkið ofninn niður í 65°C og setjið það aftur inn. Þegar lambið hefur náð 58°C takið þið hrygginn út og leyfið kjötinu að hvíla. Þetta ætti að taka um það bil klukkutíma með þessari eldunaraðferð. Fer eftir stærð á hryggnum.

Bláberjasósa

• 200 g nautasoð
• 200 g kjúklingasoð
• 500 g bláberjasafi (frá Íslenskri hollustu)
• 4 greinar af timían
• 1 hvítlauksgeiri
• 75 g smjör
• sítrónusafi
• salt

Aðferð

1. Sjóðið bláberjasafann niður í 300 g og hellið nautasoði og kjúklingasoði saman í pott. Setjið timían og hvítlauksgeira út í og sjóðið niður í 500 g. Sigtið í nýjan pott, hrærið smjörinu saman við sósuna og smakkið til með salti og sítrónusafa.

Þetta salat ljær jólunum nýja merkingu. Kristinn Magnússon

• 800 g soðið kartöflusmælki
• 180 g sýrður rjómi 36%
• 100 g japanskt majónes
• 50 g þurrkuð trönuber
• 1 búnt söxuð steinselja
• hunangsristaðar pekanhnetur
• sítrónusafi
• salt

Aðferð

1. Skerið smælkið í fernt, blandið öllu saman og smakkið til með sítrónusafa og salti.

mbl.is/Kristinn Magnússon

• 500 g íslenskar gulrætur
• 500 g smjör
• 3 greinar af rósmaríni
• salt

Aðferð

1. Allt sett saman í eldfast mót og eldað á 180°C hita í 30-45 mínútur.

mbl.is/Kristinn Magnússon

• 2 stk. kinda/lambafilet
• pikklaður rauðlaukur
• graslaukur
• börkur af tveimur sítrónum
• salt eftir smekk

Aðferð

1. Skerið filetið í litla bita. Skerið pikklaða rauðlaukinn smátt, saxið graslaukinn smátt og blandið öllu saman og smakkið til með salti.

Estragonmajó

• 200 g japanskt majónes
• 50 g ferskt estragon

Aðferð:

1. Pillið estragonlaufin af stilkunum og setjið í þröngt ílát með majónesinu og blandið vel saman. Snædís mælir með því að majóið sé geymt í sprautupoka.

Heimagerðar kartöfluflögur

• 100 g kartöflusmælki
• 500 g steikingarolía
• salt

1. Skerið smælkið með mandólíni ofan í saltvatni. Hitið olíuna í potti upp í 160°C og djúpsteikið í um það bil tvær mínútur. Ef þér finnst þetta of mikið vesen geturðu keypt tilbúnar kartöfluflögur og notað þær.
2. Hvernig er þetta sett saman? Byrjið á því að setja majóið á botninn á diskinum, setjið 2 msk. af lambatartar á diskinn, rífið Feykisost yfir með rifjárni og raðið kartöfluflögunum ofan á.

mbl.is/Kristinn Magnússon

• 1-2 pokar af íslensku bok choy-káli
• salt
• sítrónusafi
• 50 g sykur
• 50 g eplaedik
• 50 g vatn
• 1 poki rauður perlulaukur

Aðferð:

Skerið perlulauka í helming og takið hýðið af. Setjið sykur, eplaedik og vatn saman í pott og sjóðið þar til sykurinn er uppleystur. Hellið pikklunarleginum yfir perlulaukinn og leyfið honum að liggja þar.

Næst er bok choy léttsteikt á pönnu eða grilli, það saltað og sítrónusafi kreistur yfir. Eftir steikinguna er osturinn Tindur rifinn yfir og borið fram með pikkluðum perlulauk.