Hamborgarastaðurinn Smass og kjúklingastaðurinn Stél verða opnaðir í dag í Pósthússtræti 2, þar sem Nonnabiti var um árabil til húsa. Smass og Stél eru í dag reknir undir sama þaki á Ægisíðu 123 og Smass er einnig á Fitjum í Reykjanesbæ.

Að sögn Guðmundar Óskars Pálssonar framkvæmdastjóra náðist markmiðið  að opna á Þorláksmessu, þökk sé samhentum hópi sem stóð að framkvæmdum. Frá 11.30 í dag stendur þeim til boða sem eru á röltinu að gæða sér á smassborgara eða kjúklingaréttum.

Guðmundur segir að Smass og Stél virki vel saman. Viðskiptavinir á Ægisíðunni kunna að meta þá blöndu sem boðið er upp á með  smassborgurum og mismunandi kjúklingaréttum.  Kjúklingaréttirnir á seðli Stéls eru allt frá því að vera mildir og upp í mjög sterkir.

Opið er á Smass og Stéli frá 11.30 til 21.00 alla daga vikunnar. Þegar takmörkunum verður aflétt verður hægt að koma við um helgar langt fram eftir nóttu.

Í tilefni opnunarinnar verða vinsælustu réttir staðanna á tilboði. Yfirkokkur er Magnús Jökull Guðmundsson og veitingastjóri í Pósthússtræti Eiríkur Örn Brynjarsson.

www.smass.is

www.stel.is

Á myndinni er Eiríkur Örn Brynjarsson veitingastjóri í Pósthússtrætinu.

Tengdar fréttir

Innlend veitingahús

Unaðslega góð grafin bleikja

• Parið á bak við Eyju vínstofu á Akureyri
• Feðgar opna Geitina í Urriðaholtinu
• Hvítar trufflur á Pósthúsinu um jólin
• Forréttindi að reka veitingastað í óspilltri náttúru

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt