Við hér á matarvefnum vitum fátt skemmtilegra en að dást að fögrum eldhúsum og þetta hér er í algjörum sérflokki.
Veggirnir, háfurinn og loftið eru veggfóðruð með geggjuðu veggfóðri og gardínurnar eru með sama mynstri. Skáparnir tóna svo vel við veggfóðrið og útkoman er alveg hreint undursamlega fögur – og óvenjuleg en í okkar grá/hvíta eldhúsheimi fögnum við fjölbreytileikanum.
Það er svissneska arkítektastofan Atelier Zürich sem á heiðurinn af þessari hönnun.