Sveppasósan sem Guðrúnu Ýri finnst best

Ljósmynd/Guðrún Ýr Eðvaldsdóttir

„Það er ekkert nýtt að þegar ég ætla að útbúa sósu með matnum mínum þá gríp ég alltaf í pakkasósu og færi hana yfir á næsta plan. Einar og sér eru þær góðar en þegar maður setur örlitla aukaást í pottinn verður hún yfirleitt geggjuð og allir halda að hún sé búin að fá að malla í pottinum tímunum saman,“ segir Guðrýn Ýr Eðvaldsdóttir á Döðlum & smjöri.

„Að þessu sinni er það sveppasósa, sem er sú sósa sem ég sæki oftast í að gera svona með hversdagsmat eða um helgar. Hún passar með svo mörgu og öllum finnst hún svo góð á mínu heimili.

Hvort sem þið trúið því eða ekki þá er hún einnig ótrúlega góð köld, tilvalið að preppa sósu og taka með t.d. í útileguna fyrir grillkjötið eða bara á hamborgarana.“

Sveppasósa

  • 2-3 sveppir
  • 1 msk. smjör
  • ½ kjötkraftur
  • 200 ml rjómi
  • 200 ml vatn
  • 1 pk sveppasósa frá Toro
  • ½ tsk. timían
  • salt og pipar

Aðferð:

  1. Skerið sveppina smátt og setjið í pott ásamt smjöri. Leyfið sveppunum að steikjast á miðlungshita í 2-3 mín.
  2. Bætið hinum hráefnunum saman við og hrærið vel. Hækkið hitann og leyfið sósunni að ná suðu og sjóða í stutta stund (lækka auðvitað undir þegar hún fer að sjóða, svo hún sjóði ekki upp úr).
  3. Smakkið sósuna til, hvort þarf að bæta við salti og pipar, og berið fram.
Ljósmynd/Guðrún Ýr Eðvaldsdóttir
Ljósmynd/Guðrún Ýr Eðvaldsdóttir
mbl.is