Nýr glæsilegur stóll frá Vipp

Glæsilegur nýr stóll frá Vipp.
Glæsilegur nýr stóll frá Vipp. Mbl.is/Vipp

Vinsældir Vipp eiga sér engin takmörk – og nú kynna þeir splunkunýjan eldhússtól sem er enn ein viðbótin fyrir alla fagurkera þarna úti.

Hér ræðir um þægilegan og glæsilegan borðstól, nýjung í „Lodge“-vörulínu þeirra, en stóllinn kallast Vipp465 Lodge. Stóllinn er hinn glæsilegasti og fullkominn við framlengingar á eldhúseyjum sem hægt er að sitja við. Sætin eru úr dökkbrúnu leðri og dökkir eikarfætur gera stólinn enn glæstari. Bakið á stólnum veitir góðan stuðning og faðmar hvern þann að sér sem sest í hann.

Þessi nýjung er þriðji stóllinn í Lodge-seríunni, en þessi tiltekna vörulína er sérstaklega hönnuð fyrir væntanlegt hótel, „Vipp Lodge“, sem verður afhjúpað á árinu.

Mbl.is/Vipp
mbl.is