Hér tökum við stórt upp í okkur en stöndum fyllilega við þau orð. Hér er Berglind Hreiðars á Gotteri.is búin að galdra fram dýrindis hummus sem ærir óstöðuga.
Hvet ykkur til að prófa. Hummus er nefnilega allra meina bót!
Avókadó hummus og hrökkbrauð
- 1 poki Til hamingju hrökkbrauðsblanda
- 230 g kjúklingabaunir (úr krukku/dós)
- 1 þroskað avókadó (2 ef þið notið úr neti)
- 1 msk. Tahini
- ½ lime – safinn
- 1 pressað hvítlauksrif
- 3 msk. ólífuolía
- ½ tsk. salt
Aðferð:
- Bakið hrökkbrauðið samkvæmt leiðbeiningum á poka.
- Setjið öll önnur hráefni í matvinnsluvél/blandara og blandið þar til þykkt mauk hefur myndast.
- Ef þið notið blandara (eins og ég gerði) þá gætuð þið þurft að skafa niður nokkrum sinnum og „púlsa“.
- Setjið í fallega skál og toppið með smá olíu, chilidufti og kóríander ef þið óskið þess.
- Njótið með heimabökuðu hrökkbrauðinu.
mbl.is/Berglind Hreiðarsdóttir
mbl.is/Berglind Hreiðarsdóttir