Hér erum við með hinn fullkoma kvöldverð! Kjúklingalasagna er alltaf spennandi kostur og sívinsæll á matborðið. Það er engin önnur en Berglind Guðmunds á GRGS.is sem á heiðurinn að uppskriftinni.
Ómótstæðilegt kjúklingalasagna með tómatrjómasósu og spínati
Leiðbeiningar
1. Hitið olíu á pönnu.
2. Skerið lauk og hvítlauk smátt og steikið.
3. Skerið kjúkling í bita og setjið saman við. Brúnið kjúklinginn.
4. Bætið kryddum saman við og blandið öllu vel saman.
5. Látið pastasósu, kjúklingatening, vatn og rjóma saman við allt.
6. Látið malla í 5-10 mínútur við lágan hita.
7. Bætið spínati saman við og smakkið til með salti og pipar.
8. Penslið botninn á ofnföstu móti með olíu.
9. Látið smá af sósunni (bara sósu ekki kjöt) í botninn á sósunni. Leggið pastaplötur yfir.
10. Látið þá kjötsósuna yfir plöturnar og plötur yfir það og svo koll af kolli.
11. Látið í 200°c heitan ofn í 25 mínútur.
12. Takið þá úr ofni og látið mozzarella yfir allt. Látið í ofn í 10 mínútur.