Fylltar döðlur í hnetuhjúp

• Um 15 stykki stórar, ferskar döðlur
• 150 g Mascarpone ostur frá Gott í matinn
• 2 msk. hunang
• 50 g saxaðar hnetur/möndlur að eigin vali (til dæmis pekanhnetur, kasjúhnetur, pistasíur, möndlur, jarðhnetur)

Aðferð:

1. Skerið rauf í döðlurnar, fjarlægið steininn og opnið „vasa“ í þær.
2. Blandið Mascarpone osti og hunangi saman í skál, setjið í sprautupoka/zip lock poka og fyllið „vasana“ á döðlunum.
3. Leggið rjómaostahliðina ofan í skál með söxuðum hnetum/möndlum og veltið aðeins um svo það festist vel af blöndu við hverja döðlu.
4. Geymið í kæli þar til bera á fram.