Matur | mbl | 4.4.2022 | 10:42

Vinsælasta fréttakona landsins færir okkur vikuseðilinn

Fréttakonan Sunna Karen Sigþórsdóttir færir okkur matseðil vikunnar að þessu sinni. mbl.is/Mynd aðsend

Síðastliðinn föstudag hlaut Sunna Karen Sigþórsdóttir fréttamaður á Stöð 2, Bylgjunni og Vísi, Blaðamannaverðlaun Íslands fyrir umfjöllun ársins. Hún er matgæðingurinn okkar þessa vikuna og færir okkur vikuseðilinn sem er afar girnilegur að okkar mati.

„Ég hef gert óteljandi tilraunir í eldhúsinu og allar hafa þær fært mig að sömu niðurstöðu. Ég kann ekki að elda og hvað þá kaupa í matinn. Einhvern veginn virðist hver máltíð aldrei kosta mig minna en tíu þúsund, tiltektin tekur óratíma, svo ekki sé minnst á máltíðina sjálfa sem ætti varla heima í lélegu mötuneyti á fjölmennum vinnustað”, segir Sunna Karen í samtali og bætir því við; „Hins vegar hefur mér tekist að komast nokkuð klakklaust frá nokkrum uppskriftum. Til dæmis get ég eldað bleikju eftir uppskrift frá Dóru vinkonu minni og meistarakokki og mexíkósúpan klikkar sjaldan - þó ég eigi hræðilegar minningar af því þegar ég bauð fyrrverandi tengdafjölskyldu í mat og endaði á að rista brauð fyrir mannskapinn því ég var ekki með nóg í nema fjórar skálar. En maður lifir og lærir - sem er nákvæmlega það sem lífið snýst um”, segir Sunna Karen og þar tökum við heilshugar undir.

Blaðamannaverðlaun í hús
„Það er nokkuð rólegt hjá mér þessa dagana eftir mikla keyrslu síðastliðin tvö ár. Þrjár þáttaseríur að baki og fréttamennskan á hug minn allan en ýmislegt nýtt og spennandi fram undan. Og svo vann ég til blaðamannaverðlauna á föstudaginn sem var óvænt en afskaplega þakklátt.

Vikumatseðillinn minn er sannarlega ekki svona glæsilegur en þetta eru uppskriftir sem ég hef prófað (með mömmu á línunni sem fer með mér í gegnum hvert skref) og eru alltaf glimrandi góðar”, segir Sunna Karen að lokum.

Mánudagur: