Dýrindis fiskibollur í karrýsósu

Ljósmynd/Berglind Hreiðarsdóttir

Við eigum að borða meiri fisk og fátt er betra og einfaldara á borðið en fiskibollur. Hægt er að fá hágæða úrvals fiskibollur sem framleiddar eru úr íslensku sjávarfangi út í næstu búð og við hvetjum ykkur svo sannarlega til þess. Hér er það Berglind Hreiðars á Gotteri.is sem er steikir bollurnar upp úr smjöri og ber svo fram með dýrindis karrýsósu.

Þetta er það sem við köllum fullkominn kvöldverð.

Ljósmynd/Berglind Hreiðarsdóttir

Fiskibollur og karrýsósa

Fyrir um 4-5 manns

Fiskibollur

  • 2 pakkar af Gríms fiskibollum
  • 50 g smjör

Aðferð:

  1. Steikið bollurnar upp úr smjöri við miðlungshita þar til þær verða aðeins stökkar að utan og vel heitar í gegn.

Karrýsósa uppskrift

  • 1 laukur (smátt saxaður)
  • 50 g smjör
  • 2 msk. karrý
  • 350 ml vatn
  • 450 ml rjómi
  • 2-3 msk. kraftur (ég nota oftast nauta)
  • 50 g Maizenamjöl
  • Salt og pipar eftir smekk

Aðferð:

  1. Steikið laukinn upp úr smjöri þar til hann fer að mýkjast.
  2. Bætið þá karrý á pönnuna og steikið aðeins áfram, saltið og piprið eftir smekk.
  3. Hellið vatni og krafti næst á pönnuna og leyfið aðeins að malla.
  4. Því næst fer rjóminn á pönnuna og hitið að suðu, bætið Maizenamjölinu saman við og hrærið vel, lækkið hitann.
  5. Leyfið sósunni aðeins að malla og kryddið til með salti og pipar (og meiri krafti) eftir smekk.

Annað meðlæti

  • Soðin hrísgrjón
  • Ferskt salat
Ljósmynd/Berglind Hreiðarsdóttir
mbl.is