Svarið við þessari spurningu hefur vafist fyrir mörgum í gegnum aldirnar enda möguleikarnir þó nokkrir. Þú getur fyrir það fyrsta sett tappann í flöskuna og tæmt hana svo á næstu dögum.
Þú getur líka hellt afgangnum í klakapoka og fryst. Þannig áttu alltaf rauðvín í sósuna þegar á þarf að halda.
Þriðji mögleikinn er svo að búa til þitt eigið rauðvínsedik.
Formúlan er einföld: 1 1/2 bolli af rauðvíni á móti 1/4 bolla af eplaediki.
Blandið saman í glerskál. Setjið tvöfalda grisju yfir og tegju utan um til að grisjan haldist þétt. Geymið á köldum og þurrum stað í átta vikur og að þeim tíma loknum áttu heimalagað rauðvínsedik.