Matur | mbl | 11.4.2022 | 16:44

Orkukúlurnar sem eru fullkomnar í nestið

Ljósmynd/Berglind Hreiðarsdóttir

„Vantar þig eitthvað til þess að narta í á milli mála? Þessir orkuboltar eru ÆÐI og gefa góða orku. Þessar kúlur eru einnig fullkomnar í nesti í bakpokann í gönguferðum,“ segir Berglind Hreiðars á Gotteri.is um þessa dásamlegu uppskrift sem er ofur holl og gefur mikla orku.

Orkuboltar

200 g Til hamingju saxaðar döðlur
120 ml vatn (soðið)
100 g Til hamingju tröllahafrar
40 g Til hamingju kókosmjöl
40 g Til hamingju pekanhnetur
50 g kókosolía (brædd)
100 g hnetusmjör
1 tsk. vanilludropar
1 msk. bökunarkakó
½ tsk. salt

Aðferð:

Hellið sjóðandi vatninu yfir döðlurnar og leyfið þeim að liggja í því í um 30 mínútur á meðan annað er undirbúið.
Setjið tröllahafrana í blandarann og maukið niður í duft, hellið í stóra skál.
Setjið næst kókosmjöl og pekanhnetur í blandarann og maukið einnig niður í kurl, bætið við í skálina með hafraduftinu.
Bætið bræddri kókosolíu, hnetusmjöri, vanilludropum, bökunarkakói og salti í skálina og hnoðið allt saman með höndunum (eins og þið séuð að gera kókoskúlur).
Setjið skálina þá í kælinn í um klukkustund (til að auðveldara verði að rúlla boltana/kúlurnar).
Rúllið í orkubolta að þeirri stærð sem þið óskið og geymið í lokuðu íláti í kæli.