Hjálpi okkur allir heilagir! Kim Kardashian á formlega einn svakalegasta búrskáp sem sést hefur. Við leiðum líkur að því að einhver hafi fengið það hlutverk að taka til í honum og sá hinn sami sé mögulega blóskyldur þeim sem sá um að raða hjá systur hennar, Khloé Kardashian.

Búrskápurinn er í stíl við heimili Kardashian sem er einstaklega stílhreint og mínímalískt. Sjálf hefur Kardashian sagt í viðtali við Vogue að hún vilji hafa heimilið eins friðsælt og kostur er enda eigi hún fjögur börn og því sé einfaldleiki heimilisins ágætist mótvægi við það.

En búrskápurinn er unaðslegur og þar má sjá ýmislegt sem við hin gæðum okkur reglulega á.