Þessi dásamlegi réttur kemur úr smiðju Berglindar Guðmunds á GRGS.is og bragðast einstaklega vel. Hann er marókóskur að uppruna sem leynir sér ekki í bragðinu.
Marokkóskur kjúklingaréttur með sætum kartöflum
Fyrir 4
- 800 g kjúklingalæri eða bringur
- salt og pipar
- 1 sítróna
- 120 ml kjúklingasoð
- 2 sætar kartöflur
- 1 laukur, skorinn gróflega
- 6 hvítlauksrif
- 12 sveskjur, skornar í tvennt
- 1 epli, skorið niður
- ólífuolía
- salt og pipar
Kryddblanda:
- 2 msk. ólífuolía
- 1 1/2 tsk. kóríander
- 1 tsk. cumin
- 1 tsk. paprikukrydd
- 2 tsk. rifinn sítrónubörkur
- 3/4 tsk. cayenne pipar
- 1/2 tsk. kanill
- 1 1/2 tsk. salt
Aðferð:
- Látið sætar kartöflur, lauk, epli, sveskjur og hvítlauk í ofnfast mót. Hellið ólífuolíu yfir allt, saltið og piprið og blandið öllu vel saman.
- Blandið öllum hráefnum fyrir kryddblönduna saman í skál og leggið kjúklinginn þar í. Látið marinerast í kæli í smá stund.
- Leggið kjúklinginn hjá grænmetinu og hellið kjúklingasoðinu yfir.
- Eldið í 160°C heitum ofni í um 40-50 mínútur eða þar til kjúklingurinn er eldaður í gegn og grænmetið farið að mýkjast. Ausið kjúklingasoðinu yfir kjúklinginn af og til á eldunartímanum.