Matur | mbl | 22.5.2022 | 17:34

Muffins með þrenns konar súkkulaði

Ofsalega góð muffins uppskrift í boði Hildar Rutar. mbl.is/Hildur Rut Ingimarsdóttir

Þessar muffins er algjört æði svo ekki sé minna sagt, því þær eru með þrenns konar súkkulaði sem gerir allt örlítið betra – suðursúkkulaði, mjólkursúkkulaði og hvítu súkkulaði. Uppskriftin kemur frá Hildi Rut sem segir baksturinn vera upplagða fjölskyldustund og passa sérlega vel með sunnudagskaffinu.

Muffins með þrenns konar súkkulaði

12 stk.

6 dl hveiti
1 tsk. lyftiduft
1 tsk. matarsódi
1/2 tsk. salt
100 g suðusúkkulaði
100 g mjólkursúkkulaði
100 g hvítt súkkulaði
110 g smjör
2 egg
2,5 dl sykur
2 tsk. vanilludropar
1 dl mjólk

Aðferð:

Skerið allt súkkulaðið í litla bita.
Blandið saman hveiti, lyftidufti, matarsóda, salti og súkkulaðinu saman með skeið.
Bræðið smjör og blandið saman við egg, sykur, vanilludropa og mjólk. Ég notaði hrærivélina.
Hellið hveitiblöndunni út í og hrærið varlega saman.
Dreifið deiginu í 12 muffinsform og bakið í 15-20 mín við 190°C.