Þau tíðindi berast úr miðbænum að senn opni nýr veitingastaður í Hafnarstræti.

Það eru engir nýgræðingar sem standa að baki staðnum heldur sömu aðilar og eiga Apótekið, Tapas barinn, Sæta svínið, Fjallkonuna og Sushi social.

Þetta þýðir janframt að Ingólfstorg verður heitasti partýstaðurinn í borginni á góðviðrisdögum.

Að sögn Bergdísar Örlygsdóttur, markaðsstjóra og eins eigenda, verður þemað mexíkósk fíesta þar sem mexíkóskur matur og stemning verða allsráðandi.

Boðið verður upp á klassíska mexíkóska rétti á borð við tacos, tostadas, fajitas, quesadillas og fleira. Að sjálfsögðu verði svo geggjaðar margarítur og kokteilar, ásamt góðu úrvali af tekíla og meskal.

„Ég held að þetta konsept passi vel inn í flóruna hjá okkur,“ segir Bergdís og bætir við aðspurð að sumarið sé að fara vel af stað almennt í borginni. „Það hefur verið mikið að gera á öllum okkar stöðum og við upplifum mikla gleði og stemningu hjá fólki."

Tres locos opnar innan skamms og yfirmatreiðslumeistari er Carlos Horacio Gimenez. 

Tengdar fréttir

Innlend veitingahús

Unaðslega góð grafin bleikja

• Parið á bak við Eyju vínstofu á Akureyri
• Feðgar opna Geitina í Urriðaholtinu
• Hvítar trufflur á Pósthúsinu um jólin
• Forréttindi að reka veitingastað í óspilltri náttúru

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt