Kjúklingalæri í grænkarrýsósu með ananas og spínatsalati

Kjúklingalæri 

• 800 gr úrbeinuð kjúklingalæri 
• 1 msk hvítlauksduft 
• 1 tsk fínt salt 
• 1 msk malað engifer
• 1 msk sesamolía 
• 2 msk sojasósa 
• 2 msk olífuolía 

Setjið kjúklingalærin í skál ásamt öllum kryddunum og ólíunum. Blandið öllu saman og látið stand  inn á kæli í 24 tíma. Setjið í eldfast form inn í 200 gráðu heitan ofninn í 20 mín eða þar til lærinn ná 73 gráðum í kjarnhita

Grænkarrýsósa 

• 1 laukur 
• 1 hvítlauksrif 
• Olía til steikingar 
• ½ líter matreiðslurjómi
• 100 ml vatn 
• 3 tsk grænt karrýpaste 
• 1 tsk kjúklingakraftur 
• ½ stk lime  bara safi  
• Fínt salt 
• Sósujafnari

Skerið laukinn og hvítlaukinn fínt niður og steikið létt í potti. Hellið rjómanum út í pottinn ásamt karrýpastinu og kjúklingakraftinum. Maukið allt saman með töfrasprota og þykkið með sósujafnaranum eftir smekk. Smakkið til með saltinu og limesafanum.

Spínat og ananassalat 

• ½ ananas 
• ½ hunangsmelóna 
• ½  stk vorlaukur 
• 1 msk fínt skorinn rauður chili 
• 2 msk fínt skorinn kóriander 
• 80 gr ristaðar kasjúhnetur
• Salt 
• 1 poki spínat 
• ½ lime safi  og börkur 
• 4 msk ólífulía 

Skrælið og skerið ananasinn og melónuna í litla bita. Skolið vorlaukinn og skerið hann fínt niður. Blandið öllu nema spínatinu saman í skál og smakkið til með salti. Skerið spínatið niður í þunnar ræmur og setjið út í skálina með hinu hráefninu. Setjið í fallegt fat og berið fram.

Gott er að bera þennan rétt fram með hrísgrjónum