Hér gefur að líta útieldhúsið á pallinum hjá matarbloggaranum Berglindi Hreiðars á Gotteri.is. Við erum að tala um einn best heppnaða útigjörning síðari ára þar sem fara saman á fullkomin hátt þægindi og huggulegheit.
„Ég sá auglýsta pizzaofna hjá Pizzaofnar.is og fór aðeins að stúdera slík mál. Áður en ég vissi af var ég búin að horfa á ansi mörg Youtube myndbönd í pizzagerð, komin í ýmis pizzasamfélög á Facebook, bæði hérlendis sem og erlendis, farin að kynna mér hveiti sem væri heppilegra til pizzabaksturs og ég hreinlega gat ekki náð hugmyndinni um pizzahorn úr hausnum á mér,“ segir Berglind og eins og sjá má er útkoman stórkostleg.