Bjórmarineruð steik með mögnuðu meðlæti

Ljósmynd/Berglind Hreiðarsdóttir

Það er Berglind Hreiðarsdóttir á Gotteri.is sem á heiðurinn af þessari snilld. Svínalund er í miklu uppáhaldi hjá henni en hún segir svínið oft falla í skuggann af nauti eða lambi. Sé svínalundin hins vegar elduð rétt sé hún einstaklega mjúk og safarík og pöruð saman við góða grillolíu verði hún fullkomin.

Grilluð svínalund

Fyrir 4-6

  • 1 kg svínalund
  • 2 msk salt
  • 1 flaska bjór
  • steikarkrydd
  • Caj P Smokey Hickory-grillolía
Aðferð:
  1. Sinahreinsið svínalundina og þerrið hana vel.
  2. Saltið og nuddið saltinu vel inn í vöðvann.
  3. Setjið í eldfast mót/annað ílát og hellið bjórnum yfir svo hann þeki lundirnar.
  4. Plastið vel og leyfið að marinerast yfir nótt helst (nokkrar klukkustundir duga samt til).
  5. Takið lundirnar úr bjórleginum og þerrið að nýju.
  6. Kryddið með góðu steikarkryddi og setjið á vel heitt grill.
  7. Penslið nokkrum sinnum með Caj P-grillolíu á meðan kjötið eldast. Takið af grillinu þegar kjarnhiti er 65° og leyfið kjötinu að standa í að minnsta kosti 15 mínútur áður en þið skerið það niður.
  8. Berið fram með bökuðum kartöflum, grænmetisspjótum (sjá uppskrift hér að neðan) og kaldri sósu (sjá uppskrift hér að neðan).

Grænmetisspjót

  • ferskur maís (um 2 stk. skorin niður)
  • 1 rauðlaukur
  • 1 rauð paprika
  • um 10 sveppir
  • Caj P Smokey Hickory-grillolía

 Aðferð:

  1. Skerið grænmetið niður og raðið á grillspjót. Penslið með Caj P og grillið á meðalháum hita í um 15 mínútur, snúið reglulega.

Köld sósa

  • 150 g majónes
  • 150 g sýrður rjómi
  • 2 rifin hvítlauksrif
  • 1 msk. Sriracha-sósa
  • salt og pipar eftir smekk
  • tabasco-sósa eftir smekk

Aðferð:

  1. Pískið allt saman og geymið í kæli fram að notkun.
Ljósmynd/Berglind Hreiðarsdóttir
Ljósmynd/Berglind Hreiðarsdóttir
Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Fleira áhugavert
Fleira áhugavert