Matur | mbl | 25.6.2022 | 17:01

Einfaldasta pítsa í heimi

Hrökkbrauðspítsa er fljótleg og bragðgóð. mbl.is/Helga Magga

Þegar ekkert er til í skápunum heima, þá er alltaf hægt að útbúa hrökkbrauðspítsu. Helga Magga á heiðurinn að þessari samsetningu og hefur gert í mörg ár fyrir sitt heimafólk. Hún mælir einnig með að nota þríhyrningslaga hrökkbrauð og fá þannig ekta pítsusneiðarútlit.

Hrökkbrauðspítsan slær í gegn

4 hrökkbrauð
Pizzasósa (40 g)
Rifinn ostur (45 g)
Pepperoni 4 stk.
Pítsukrydd

Aðferð:

Þú notar hrökkbrauðið eins og pítsabotn og setur á það álegg sem þér finnst gott.
Bakar við 200 gráður í 7-10 mínútur eða þangað til osturinn er bráðinn. Tilvalið að auka próteinið með því að nota eldaðan kjúkling sem álegg. Botnarnir mýkjast við eldun en verða samt ennþá smá stökkir.