Sex hráefna pastaréttur sem slær í gegn

Ljósmynd/Berglind Guðmundsdóttir

Það er meistari Berglind Guðmunds á GRGS.is sem á heiðurinn að þessum einfalda en æðislega rétt sem tikkar í öll box.

Sex hráefna pastaréttur sem slær í gegn

Fyrir 4

  • 4 msk. ólífuolia
  • 250 g sveppir, sneiddir
  • sjávarsalt
  • 2 skarlottlaukar, smátt saxaðir
  • 500 g spaghetti
  • 120 ml rjómi frá Gott í matinn
  • 1/2 búnt steinselja, smátt skorin
  • 1/2 sítróna, safi og fínrifinn börkur
  • 2 msk. smjör
  • 1 dl rifinn parmesanostur
  • svartur pipar

Leiðbeiningar

  1. Látið olíu á pönnu og steikið sveppina í um 5 mínútur eða þar til þeir eru orðnir gylltir og stökkir á báðum hliðum. Saltið og bætið skarlottlauknum saman við og steikið þar til hann er farinn að mýkjast.
  2. Sjóðið pasta í saltvatni þar til það er farið að mýkjast en ekki orðið alveg mjúkt. Takið pastað með töngum og færið yfir á pönnuna, ásamt 240 ml af pastavatni og rjóma. Látið malla við miðlungshita í nokkrar mínútur þar til sósan er farin að þykkna.
  3. Takið af hitanum og bætið sítrónusafa, sítrónuberki, steinselju og parmesan saman við.
  4. Piprið ríflega og njótið vel.
mbl.is