Hér eru á ferðinni þrjú stórsnjöll húsráð sem gott er að kunna, því hver veit – þau gætu komið að góðum notum einn daginn.
Númer eitt
Ef ísskápurinn er með framhlið úr burstuðu stáli, setjið þá barnaolíu í örtrefjaklút og þurrkið af ísskápnum til að fá hinn fullkomna gljáa og losna við öll fingraförin.
Númer tvö
Vínrekkar (sem eru ekki í notkun) eru eins og sérhannaðir til að raða flöskum og vatnsbrúsum sem annars taka mikið pláss í skúffunum.
Númer þrjú
Til að spara pláss í skápunum undir vínglösin er ráð að snúa þeim á víxl, upp eða niður – þannig kemurðu fleiri glösum fyrir.