Klassískt carbonara-pasta með eðalbeikoni
Ljósmynd/Linda Ben
Setja bókamerki
Nú fer að bresta á með haustlægðunum og öllum þeim unaðslegu kósíkvöldum sem þeim fylgja. Þá er fátt betra en að gæða sér á góðum mat og ekki spillir fyrir ef hann er löðrandi í parmesanosti og beikoni. Hér erum við með uppskrift að dýrindis carbonara-pasta frá Lindu Ben þar sem hún notar eðalbeikon og heilt fjall af parmesan. Réttur sem getur hreinlega ekki klikkað.
Klassískt carbonara-pasta með eðalbeikoni
- 450 g tagliatelle frá Barilla
- 130 g eðalbeikon frá SS
- 50 g smjör
- 3 hvítlauksgeirar
- 4 egg
- 150 g rifinn parmesan (+ meira til að setja yfir pastað þegar það er tilbúið)
- salt og pipar
- fersk basilíka
- Setjið vatn í stóran pott og náið upp suðunni.
- Skerið beikonið í bita og steikið á pönnu þar til það er eldað í gegn og byrjað að brúnast örlítið.
- Setjið salt og pasta í sjóðandi vatnið og sjóðið í 6 mín. eða þar til það er nánast alveg soðið en ennþá smá bit í því.
- Bætið þá smjörinu út á pönnuna, merjið hvítlauksgeirana með hníf svo þeir opnist og bætið á pönnuna, leyfið þessu að malla í svolitla stund þannig að bragðið úr hvítlauknum fari í smjörið og beikonið.
- Setjið eggin í skál og hrærið saman.
- Rífið parmesaninn niður og bætið út í eggin ásamt salti og pipar.
- Þegar pastað er tilbúið takið þá hvítlaukinn upp úr pönnunni, slökkvið á hitanum undir og bætið pastanu út á pönnuna, hrærið saman.
- Hellið eggjablöndunni út á pastað og hrærið strax saman, eggjablandan á að þykkna aðeins en ekki verða kekkjótt. Bætið við pastavatni, u.þ.b. 2 msk í einu, og hrærið saman við ef sósan er of þykk.
- Berið fram með meira af parmesan, pipar og fersku basil.
Ljósmynd/Linda Ben
„Okkur miðar í rétta átt“
Verðbólgan komin niður í 6%
Handteknir eftir myndatöku í Vesturbæjarlaug
Tóku upp hanskann fyrir leikskólabörn
„Hvílir mikil leynd yfir þessu öllu“
Veiting hvalveiðileyfis ekki brot á EES-samningi
Vona að Orkustofnun veiti ekki virkjunarleyfi