Nýverið var kokteilabarinn Attaboy í New York, krýndur sem besti barinn í Norður-Ameríku og ekki að ástæðulausu.

Verðlaun voru veitt fyrir 50 bestu barina og það var Attaboy sem hreppti titilinn í ár. Barinn var stofnaður af Michael McIlroy og Samuel Ross árið 2012 og hefur síðan þá verið álitinn einn besti kokteilastaður landsins. Það var þó ekki fyrr en tíu árum seinna eða í ár, sem þeir hömpuðu fyrsta sætinu með Haley Traub sem titlaðan yfir-blandari á kokteilum hússins og gerir það svo sannarlega vel. Stofnendur Attaboy hafa einnig komið við sögu á barnum Milk & Honey, sem hóf handverks kokteilabrjálæðið í New York í upphafi nýrrar aldar – og sló í gegn víðsvegar um landið. Og þess má geta að Attaboy er staðsettur í gamla rýminu sem áður hýsti Milk & Honey.                                                   

Það voru nokkrir aðrir merkir barir sem rötuðu á fyrrnefndan listann, t.d. Katana Kitten í New York sem hampaði fjórða sætinu og Kumiko í Chicago í því fimmta. Eins má sjá Café La Trova sem staðsettur er í Miami fylgja þar fast á eftir. Við myndum aldrei slá hendinni á móti því að taka rúntinn um Ameríku og sannreyna alla þessa fínu kokteila og staði sjálf, ef það myndi bjóðast.

Tengdar fréttir

Erlend veitingahús

Syndsamlegt að horfa á þessa ostadýrð

• Eftirminnilegt síðdegiste með útsýni yfir Sydney höfn
• Beef Wellington á öðru plani
• Sjáðu töfrana gerast þegar eftirrétturinn er borinn fram
• 50 bestu kaffihúsin í London

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt