Unaðsleg eggjabaka að hætti Lindu Ben
Ljósmynd/Linda Ben
Setja bókamerki
Hér höfum við ótrúlega skemmtilega og ljúffenga útgáfu af eggjaböku en hún er virkilega mjúk og bragðgóð. Höfundur hennar er engin önnur en Linda Ben sem þekkt er fyrir að elda framúrskarandi mat.
„Berjajógúrtbakan hentar fullkomlega sem morgunmatur en hún er rosalega holl, stútfull af próteini og annari hollustu enda inniheldur hún fullt af eggjum og grísku jógúrti. Ég mæli með að smakka ef þig langar að prófa eitthvað nýtt og gott,“ segir Linda um þennan rétt.
Berjajógúrtbaka
- 4 egg
- 200 g grísk jógúrt með jarðaberjum og vanillu frá Örnu Mjólkurvörum
- 1 msk kornsterkja (maizenamjöl)
- 2 dl frosin ber
- Hlynsýróp eftir smekk
Aðferð:
- Kveikið á ofninum og stillið á 170°C, undir og yfir hita.
- Setjið eggin í skál og þeytið þau létt.
- Bætið grísku jógúrti út í ásamt kornsterkju og vanilludropum.
- Setjið smjörpappír í lítið eldfast mót og setjið 1 dl af frosnum berjum í mótið, hellið svo eggjablöndunni yfir og dreifið svo öðrum dl af frosnum berjum yfir.
- Bakið í u.þ.b. 25 mín eða þar til bakan er bökuð í gegn.
- Skerið í bita og berið fram með hlynsírópi.
Ljósmynd/Linda Ben
„Umsátursástand“
Banna mengandi búnað sem leyfður er á Íslandi
„Á réttri leið en nokkuð í land ennþá“
Vélsleðaslys: Þyrlan kölluð út á mesta forgangi
Gígbarmurinn hækkað frá því í gær
Sex hafa greinst með listeríu
Tveir í bílnum sem lenti utan vegar