Dúnn er ákaflega merkileg og vandmeðfarin vara sem borgar sig að hugsa vel um til að hann endist sem best.
- Best er að þvo dúnflík eina og sér í þvottavél á 30 gráðum með fljótandi dúnsápu.
- Loka skal öllum rennilásum og smellum fyrir þvott.
- Ekki nota mýkingarefni eða þvottaefni sem innihalda bleikiefni eða blettahreinsi, dúnsápan nægir.
- Flíkina á að þurrka á lágum hita í þurrkara.
- Þessar þvottaleiðbeiningar eiga einnig við um Prima Down-vörur.
Parka-úlpur eru ögn flóknari viðfangs og því ekkert vitlaust að láta fagfólk um að þvo þær.
- Ef þú hins vegar ákveður að þvo úlpuna sjálf/-ur skaltu þvo hana eins og sér í þvottavél á 30 gráðum. Mælt er með fljótandi dúnsápu.
- Mikilvægt er að fjarlægja skinnkanta af flíkum fyrir þvott og loka öllum rennilásum og smellum.
- Flíkina á að þurrka á lágum hita í þurrkara með tennisbolta (eða öðru sambærilegu til að berja dúninn) og gott er að snúa flíkinni við eftir um klukkustund í þurrkun. Þurrkunin getur tekið um 2-4 klst. eftir stærð flíkurinnar.
- Athugið að við þvott getur liturinn dofnað og flíkin fengið á sig veðraða áferð.