Vefjan sem er stútfull af orku 

• 2 stór egg
• Ólífuolía
• 10 g cheddar ostur
• 1 tortilla kaka
• 1/2 búnt af ferskri basiliku
• Chili sósa
• 200 g tómatar

Aðferð:

1. Setjið eggin í skál og kryddið með sjávarsalti og svörtum pipar. Pískið saman með gaffli.
2. Dreypið smávegis af ólífuolíu á heita pönnu á meðalhita, og þurrkið það mesta af með eldhúspappír. Setjið eggin út á pönnuna og veltið pönnunni til að eggin leki út í allar hliðarnar. 
3. Rífið cheddar ostinn yfir og látið bráðna í tæpa 1 mínútu og takið því næst ommelettuna af pönnunni. 
4. Hitið tortilla kökuna á pönnunni á báðum hliðum. Leggið kökuna ofan á ommelettuna og flippið því næst hvoru tveggja aftur yfir á pönnuna, svo að kakan snúi á pönnunni. 
5. Stráið söxuðum basil yfir og dreypið chili sósunni einnig yfir. 
6. Skerið tómatana niður og dreifið yfir eggjakökuna ásamt klettasalati ef vill. Saltið og piprið. 
7. Setjið bökunarpappír á borðið og rennið eggjakökunni yfir á pappírinn. Notið síðan pappírinn til að rúlla upp tortillunni og skerið til helminga. 

Uppskrift: Jamie Oliver