Við höfum beðiði eftir því í talsverðan tíma – eða allt frá því að þau miklu tíðindi bárust – að Sælkerabúðin væri að opna kjötborð í Hagkaup í Kringlunni og Garðabæ.
Sælkerabúðin hefur notið fádæma vinsælda frá opnun en það eru matreisðlumennirnir Hinrik Lárusson og Viktor Örn Andrésson sem standa að henni.
Nú er formlega komið að opnun og af því tilefni verður mikið um dýrðir í verslunum Hagkaups í Kringlunni og Garðabæ.
Að sögn Evu Laufeyjar Hermannsdóttur, markaðs- og upplifunarstjóra Hagkaups, verður boðið upp á glæsileg tilboð og smakk í boði fyrir viðskiptavini. Það er því ljóst að gúrmei naggar eiga gott í vændum og ljóst að sælkerasteikur frá Viktori og Hinrik verða á einhverjum matarborðum um helgina.