Nú er komin á markað ný og spennandi sérútgáfa af KEA skyri sem verður aðeins fáanleg í takmarkaðan tíma. Nýtt KEA skyr með banana- og súkkulaðibragði er líkt og aðrar KEA skyr bragðtegundir próteinríkt og einstaklega bragðgott.

„Sérútgáfurnar okkar hafa vakið mikla athygli síðustu misseri enda höfum við verið óhrædd við að setja á markað nýjar og spennandi bragðtegundir. Að þessu sinni leyfðum við okkur jafnframt að fara langt út fyrir boxið í hönnun á umbúðunum og getum fullyrt að íslenskir skyraðdáendur hafi aldrei séð neitt þessu líkt,“ segir Halldóra Arnardóttir, markaðsstjóri ferskvara hjá Mjólkursamsölunni. Fyrsta KEA skyr sérútgáfan með saltkaramellubragði og eldgosi á umbúðunum vakti mikla lukku og fór það svo að hún var sett í hefðbundnar KEA skyr umbúðir og á nú fastan sess í vöruframboði KEA skyrs.

Nýja sérútgáfan með banana og súkkulaðibragði verður án plastloks og pappaskeiðar og er það liður í þeirri stefnu MS að draga úr plastnotkun en rannsóknir sýna að Íslendingar eru að venjast því að nota fjölnota skeiðar eftir að plastskeiðarnar voru bannaðar. „Hvert skref í þessa átt er gott skref og við munum halda áfram þeirri vinnu að draga úr plasti í umbúðum okkar eins og kostur er án þess þó að það bitni á geymsluþoli varanna en skyrið er viðkvæm vara og plastið best til þess fallið að halda viðhalda gæðum og geymsluþoli þess,“ bætir Halldóra við að lokum.

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

Nýjar vörur

Girnilegar sumarskálar frá Ísey Skyr Bar

• Kynna nýja bragðtegund á vinsælu súkkulaði
• Nýjasta hamborgaraæðið komið til landsins
• Drykkurinn sem var hannaður fyrir ömmu
• SS með nýja snakkpylsu á markað

» Fleiri tengdar fréttir

• Blogga um frétt