Eldhústískan breytist eins og hver önnur trend í þessum heimi - en við rákumst á stórkostlega skemmtilega útfærslu frá sjötta áratug og finnum okkur knúin til að deila því með ykkur. 

Raftækjaframleiðandinn General Electric átti stóran þátt í að skapa góða stemningu í eldhúsum hér á árum áður. Þeir hönnuðu og framleiddu ísskáp sem var í augnhæð eða rétt eins og röð af tveim til fjórum efri skápum í eldhúsum. Sumir myndu eflaust vilja meina að það væri hin fullkomna vinnuhæð, og eins losar það um pláss á gólfi sem má nýta fyrir skápa eða annað. 

Við rákumst einnig á myndband sem sýnir framúrstefnulegan ísskáp frá síðustu öld, þar sem hægt er að draga hillur út og grænmetisskúffann er tekin í heilu lagi úr ísskápnum - hér er skipulagið upp á tíu og gott betur en það eins og sjá má í TikTok myndbandinu.