Hér erum við með uppskrift frá Guðrúnu Ýr Eðvaldsdóttur á Döðlum & smjör sem ætti að toppa flestar máltíðir. Guðrún notaði sósuna með fylltum kalkúnabringum en þessi sósa ætti að passa með flestum mat enda einstaklega vel samsett og vönduð.
Koníaks-sveppasósa
- 2-3 sveppir
- 20 g smjör
- 2 msk. koníak
- ½ teningur nautakraftur
- 200 ml rjómi
- 200 ml vatn
- 1 pk sveppasósa frá Toro
- ½ tsk. timían
- ½ tsk. pipar
- salt eftir smekk
Aðferð:
- Skerið sveppina smátt, setjið í pott ásamt smjöri og steikið í 2-3 mín.
- Bætið þá koníaki saman við ásamt öllum hinum hráefnunum.
- Hrærið vel saman og leyfið suðunni að koma upp.
- Lækkið hitann í miðlungshita og leyfið að sjóða vægt í 3-4 mín.