Svona gerir þú bestu brúnuðu kartöflurnar

Ljúffengar brúnaðar kartöflur í karamellugljáa.
Ljúffengar brúnaðar kartöflur í karamellugljáa. mbl.is/Kristinn Magnússon

Menn hafa misjafnar aðferðir við að brúna kartöflurnar og er lykilatriðið þar algjörlega að nota nóg af smjöri og sykri. Sumir nota jafnvel kók en hér er á ferðinni uppskrift sem ætti að æra óstöðugan. Hér eru rjómatöggur frá Nóa Síríus í aðalhlutverki en karmellubragðið tekur kartöflurnar upp á næsta stig!

Karamellukartöflur sem aldrei klikka

  • 500 g kartöflur
  • 200 g rjómatöggur frá Nóa
  • 1,5 dl mjólk
  • 50 g smjör

Aðferð:

  1. Kartöflur annað hvort soðnar eða skolaðar ef notaðar er forsoðnar kartöflur.
  2. Í potti á vægum hita eru karamellurnar og mjólkin bræddar saman. Þegar blandan er orðin kekkjalaus er smjörinu bætt út í og hrært þar til allt er orðið samlagað.
  3. Að lokum er kartöflunum bætt út í og leyft að draga aðeins í sig karamellusósuna áður en þær eru bornar fram.

 

mbl.is/Kristinn Magnússon
mbl.is