Krónhjartarlund með villisveppasósu

• Krónhjörtur
• timian
• smjör
• hvítlaukur

Aðferð:

1. Kjötið er tekið út úr kæli um 3-4 tímum fyrir eldun svo það sé ekki kalt þegar það fer á pönnuna.
2. Kryddað með salti og pipar.
3. Þá er það sett á mjög heita pönnu og steikt þar til góð húð myndast á kjötinu.
4. Þá er því snúið við og smjöri bætt á pönnuna ásamt timíangreinum og hvítlauk.
5. Sett í eldfast mót og inn í ofn á 180°C í 5 mínútur.
6. Þá er kjötið tekið út úr ofninum í 5 mínútur og síðan sett aftur inn í ofn í 5 mínútur.
7. Að lokum er kjötið látið hvíla í að minnsta kosti 5 mínútur áður en það er skorið.

Gráðaostasósa

• 150 g sýrður rjómi
• 150 g majones
• 100 g gráðaostur
• safi úr hálfri sítrónu
• 1 tsk. hunang
• salt og pipar

Aðferð:

1. Allt nema salt og pipar sett saman í matvinnsluvél og unnið þar til sósan er kekkjalaus. Smakkað til með salti og pipar.

Villisveppaostasósa

• 1 stk. villisveppaostur
• ½ stk. piparostur
• 500 ml matreiðslurjómi
• 1 tsk. villikraftur vatn

Aðferð:

1. Rjóminn hitaður í potti. Á meðan eru ostarnir rifnir niður á grófu rifjárni og bætt út í heitan rjómann.
2. Hrært þar til ostarnir eru alveg bráðnaðir og smakkað til með villikrafti. Ef sósan er of þykk má þynna hana með vatni.