Kjötbollur í geggjaðri sósu

Ljósmynd/Linda Ben

„Hér höfum við alveg virkilega gott linguine og kjötbollur í dásamlegri ekta ítalskri tómatsósu, svolítið eins ítölsku ömmurnar gera þær. Með fáum en virkilega góðum innihaldsefnum,“ segir Linda Ben og eins og glöggir uppskriftarýnar sjá þá er hér á ferðinni svokölluð keppnisuppskrift.

Með kjötbollunum er hún svo með dýrindis linguine sem ætti að hitta í mark hjá flestum.

Linguine og kjötbollur

  • 500 g nautahakk frá SS
  • 1 laukur
  • 2 hvítlauksrif
  • ½ kryddostur með pipar
  • U.þ.b. 1 lúka ritz kex
  • 2 tsk oreganó
  • ½ tsk. oreganó
  • ½ tsk. þurrkað basil
  • 250 g linguine frá Barilla
  • 2 dósir Mutti Polpa fínt hakkaðir tómatar
  • 2 tsk. Mutti tómatpúrra 
  • Salt og pipar
  • Fersk basilíka
  • Parmesan

Aðferð:

  1. Setjið vatn í pott ásamt salti og ólífu olíu, sjóðið. 
  2. Setjið nautahakk í skál ásamt smátt söxuðum lauk, hvítlauksrifum, rífið piparostinn niður ofan í skálina, brjótið ritz kexið í skálina og kryddið. Blandið öllu vel saman og hnoðið í bollur. 
  3. Bætið spagettíinu í pottinn og sjóðið þar til tilbúið.
  4. Steikið bollurnar á pönnu, snúið þeim þannig að þær brúnist allstaðar. 
  5. Bætið hökkuðu tómötunum út á pönnuna ásamt tómatpúrru og kryddið, setjið lok á pönnuna og leyfið öllu að malla á vægum hita í nokkrar mínútur. 
  6. Berið fram með ferskum parmesan og ferskri basilíku. 
Ljósmynd/Linda Ben
mbl.is
Fleira áhugavert
Fleira áhugavert