Matur | mbl | 4.5.2023 | 14:56 | Uppfært 5.5.2023 12:06

Dönsk nautasteik með fylltum sveppum og piparsósu

Danskar nautasteikur eru ómótstæðilegar. Þess má geta að danskir dagar standa yfir dagana 4.–14. maí.

Íslendingar eiga erfitt með að standast góðar nautasteikur og ekki er verra ef þær koma frá frændum okkar í Danmörku. Fyrirtækið Danish Crown er stærsti kjötframleiðandi Evrópu og þykja vörur þess einstakar að gæðum. Í tilefni af dönskum dögum í Hagkaupum flutti fyrirtækið inn úrval af nautasteikum frá fyrirtækinu. Ef þú ætlar að gera vel við þig um helgina þá gæti grillað nauta rib-eye með fylltum sveppum og piparsósu verið eitthvað fyrir þig.

Grillað nauta rib-eye með fylltum sveppum og piparsósu

Nauta rib-eye steikur
Hagkaup hvítlaukssósa köld
Ferskur aspas
Sætar kartöflur
Sveppir
SPG-krydd

Aðferð:

Kryddið kjötið áður en það fer á grillið og gætið þess að það sé við stofuhita.
Grillið það á hvorri hlið í nokkrar mínútur og lækkið síðan undir. Mikilvægt er að leyfa kjötinu að hvíla vel að grillun lokinni áður en það er skorið.
Grillið grænmetið á meðalhita þar til það er tilbúið. Kartöflurnar þurfa lengri tíma en margur myndi halda í fyrstu og það sakar ekki að pensla þær með góðri ólífuolíu.
Berið fram með kaldri hvítlaukssósu eða sósu að eigin vali og njótið.