Sítrónu-tíramisú er hressandi útfærsla á hinum klassíska ítalska eftirrétt, tíramisú. Þetta er hinn fullkomni eftirréttur til að gera kvöldinu fyrir matarboð eða hitting, en hann þarf að kæla í að minnsta kosti 8 klukkustundir eða yfir nótt áður en hann er borinn fram.
Tíramisú-unnendur hafa tekið útfærslunni fagnandi og hefur eftirrétturinn slegið rækilega í gegn á samfélagsmiðlum.
Sítrónu-tíramisú
Sítrónusmjör (e. lemon curd):
- 4 stórar eggjarauður
- 4 stór egg
- 1/4 tsk salt
- 250 g sykur
- Sítrónubörkur af tveimur sítrónum
- 163 g ferskur sítrónusafi
- 114 g ósalt smjör
Sítrónusíróp:
- 118 g vatn
- 50 g sykur
- 1 sítróna (bæði börkur og safi)
- 1 stöngull af basilíku (valfrjálst)
- 59 g Limoncello sítrónulíkjör (valfrjálst)
Fylling:
- 357 g þeyttur rjómi
- 339 g sítrónusmjör (e. lemon curd)
- 454 g mascarpone (við stofuhita)
Millilag:
- 2 pakkar Lady Fingers-kex
Aðferð:
Sítrónusmjör:
- Byrjaðu á að útbúa sítrónusmjör með því að blanda eggjarauðum, eggjum, salti, sykri, sítrónubörk og sítrónusafa í meðalstóran pott. Hrærið þar til öllu hefur verið blandað vel saman.
- Hitið á meðalháum hita og passið að hræra stöðugt í blöndunni. Náið upp suðu og leyfið sítrónusmjörinu að þykkna í um það bil eina mínútu eftir að þið hafið náð upp suðu.
- Þegar sítrónusmjörið hefur þykknað er það sett í hitaþolna skál sem er ekki úrmálmi. Bætið smjöri við blönduna og látið standa í rúmlega mínútu til að bráðna og hrærið svo vel. Setið lok á og kælið þar til sítrónusmjörið er orðið kalt og þykkt.
Sítrónusíróp:
- Blandið saman vatni, sykri, sítrónusafa, sítrónuberki og basilíku (valfrjálst) í pott.
- Látið malla við meðalháan hita og látið svo kólna. Þegar sírópið hefur kólnað er sítrónubörkurinn síaður úr og settur í skál til hliðar.
- Ef þú notar sítrónulíkjör skal bæta því við hér (valfrjálst).
Fylling:
- Áður en þú byrjar að útbúa fyllinguna skaltu kæla blöndunarskál og þeytara í frysti í fimm mínútur. Því næst er rjóma hellt í kalda skálina og hann þeyttur.
- Blandið helmingnum af kælda sítrónusmjörinu og öllum mascarpone-ostinum saman og hrærið vel.
- Bætið rjóma varlega út í blönduna með sleif eða þeytara.
Millilag:
Hafðu hæfilega stórt form tilbúið. Byrjaðu á að dýfa Lady Finger í sítrónusírópið, einum í einu. Raðaðu þeim svo þétt í botninn á forminu.
- Bætið helmingnum af fyllingunni ofan á og dreifið vel úr.
- Endurtakið – dýfið Lady Finger í sírópið og raðið í þétt lag ofan á fyllinguna.
- Bætið svo restinni af fyllingunni ofan á seinna lagið af Lady Fingers og dreifið vel úr henni. Passið að fyllingin fari vel út í alla kanta á forminu.
- Setið lok yfir formið og kælið í 8 klukkustundir eða yfir nóttu.
- Áður en sítrónu-tíramisú er borið fram er restin af sítrónusmjörinu sett ofan á og dreift vel úr því. Til að skreyta er hægt að nota sítrónusneiðar (valfrjálst).