Elítupasta af Álftanesi 

(Þessi uppskrift miðast við sex manneskjur)

• 2 kjúklingabringur
• 1 msk. olía eða smjör til steikingar
• 4 dl matreiðslurjómi 
• 1 dl rjómaostur
• 3 hvítlauksrif
• malaðar chili flögur eftir smekk
• safi úr þremur sítrónum
• 1 lífrænn kjúklingateningur
• fersk steinselja eftir smekk
• 4 pakkar ferskt pasta
• Parmesan ostur eftir smekk

Aðferð

1. Skerðu kjúklingabringurnar niður í þunnar sneiðar.
2. Settu olíu/smjör á pönnu og steiktu kjúklingabringurnar þannig að þær verði eldaðar í gegn.
3. Stráðu salti og möluðu chli út á.
4. Kreistu safa úr þremur sítrónum og bættu út á kjúklinginn.
5. Heltu matreiðslurjómanum út á og hrærðu allt vel saman.
6. Bættu rjómaostinum við blönduna og hræðu vel saman og þá þykknar sósan.
7. Taktu kjúklingateninginn og myldu hann í höndunum út á kjúklinginn og rjómablönduna og hrærðu vel saman þannig að blandan verði ekki kekkjótt.
8. Afhýddu hvítlauksrifin og merðu þau með hníf og skerðu smátt og bættu út á.
9. Smakkaðu til og bættu salti og chili út í og láttu suðuna koma upp.

Hvernig á að sjóða ferskt pasta?

1. Settu vatn í stóran pott og láttu suðuna koma upp.
2. Settu salt út í og msk. olíu áður en pastað er sett út í það.
3. Láttu það sjóða í um það bil þrjár mínútur.
4. Heltu pastanu úr pottinum í stórt sigti og skolaðu með köldu vatni.
5. Settu pastað í skál og heltu kjúklinga-sítrónu-rjómasósunni út á.
6. Skreyttu með ferskri steinselju og parmessan osti.
7. Gott er að hafa gróft salt á borðinu svo hver og einn geti saltað eftir smekk.