Matur | mbl | 30.5.2023 | 14:00 | Uppfært 15:10

Nýjasta æðið á samfélagsmiðlum og þetta gerir Ragga nagli líka

Ragga nagli kolféll fyrir þessari eldunaraðferð á kartöflum og þessi uppskrift muni hafa áhrif á þig til framtíðar. Samsett mynd

Ragnhildur Þórðar, sem alla jafna er kölluð Ragga nagli, segir einnig að þetta sé nýjasta leiðin sín til að elda og borða kartöflur – sem sagt að pressa þær. „Þær verða svo ljúffengar – dúnmjúkar að innan en stökkar að utan,“ segir Ragga nagli á instagram. Þetta mun klárlega hafa áhrif á það hvernig þú eldar kartöflur þínar til frambúðar. Eftir þessa uppskrift muntu aldrei vilja borða hefðbundnar kartöflur aftur. Ragga nagli heldur úti instagramreikningnum @ragganagli þar sem má fylgjast með matarhefðum hennar.

Pressaðar kartöflur

700 g litlar kartöflur
1 msk. sjávarsalt
1 msk. ólífuolía
¼ tsk. svartur pipar
parmesanostur eftir smekk
söxuð steinselja eftir smekk

Aðferð:

Sjóðið kartöflurnar 15-20 mínútur eða þar til að þær eru næstum tilbúnar.
Hellið heitum kartöflunum í sigti, tæmið vatnið af þeim og þerrið þær.
Hitið ofninn í 200°C.
Pressið kartöflurnar á bakka eða skurðarbretti með botninum á glasi. Gangið úr skugga um að kartöflurnar séu í heilu lagi en ekki í molum eftir að þær eru pressaðar.
Dreypið ólífuolíu yfir og kryddið til með sjávarsalti og pipar.
Bakið í um það bil 45 mínútur þar til karöflunnar eru orðnar gullnar og stökkar.
Berið fram heitar og stráið yfir rifnum parmesanosti og/eða saxaðri steinselju eftir smekk.