Leikkonan Marilyn Monroe er án efa ein frægasta og fallegasta leikkona allra tíma, sem lést langt fyrir aldur fram. Marilyn Monroe var fædd sem Norma Jean Mortenson, 1. júní 1926 – d. 5. ágúst 1962. Hún var bandarísk leikkona, söngkona, fyrirsæta og var ein frægasta kvikmyndastjarna og kyntákn 20. aldar. Marilyn Monroe fannst látin á heimili sínu og virtist hafa tekið of mikið af svefnlyfjum. Úrskurðað var að hún hefði fallið fyrir eigin hendi. Marilyn Monroe var mögulega ímynd viðhorfs fólks til kampavínsdrekkandi kvenna á sínum tíma – kynþokki, daður og tál.
Sturlaðar staðreyndir um Marilyn Monroe:
- Að leikkonan Marilyn Monroe hafi eitt sinn baðað sig í 350 flöskum af kampavíni.
- Að Marilyn Monroe var ófeimin við að viðurkenna opinberlega að kampavín væri hennar uppáhaldsdrykkur.
- Að Piper-Heidsieck kampavínið væri uppáhaldskampavínið hennar.
- Að hún hafi vaknað á hverjum morgni við glas af Piper-Heidsieck og sagt að það kæmi henni af stað í upphafi hvers dags.
- Að öllum líkindum hefur hún brotið ísinn fyrir kampavínsdrekkandi konur sem á eftir fylgdu, með sjálfstæði sínu.
Marilyn Monroe geislaði af fegurð hvert sem hún fór.
Skjáskot/Instagram
Marilyn Monroe bar kampavínsglasið ávallt fallega.
Skjáskot/Instagram
Marilyn fannst gott að fá sér kampavín á ströndinni.
Skjáskot/Instagram
Fallega fljóð hvar sem hún var.
Skjáskot/Instagram
Rauði liturinn og sérstaklega rauði varaliturinn fór henni einstaklega vel.
Skjáskot/Instagram
Ein frægasta myndin sem er til af Marilyn Monroe. Segir allt sem segja þarf.
Skjáskot/Instagram
Ávallt gleðin í fyrirrúmi hjá þessari fallegu kynbombu sem elskaði að drekka kampavín og naut þess að borða ljúffengar kökur.
Skjáskot/Instagram