Matur | mbl | 8.6.2023 | 5:58 | Uppfært 9.6.2023 9:51

Nýstárlegur kotasæluís gerir allt vitlaust á TikTok

Kotasæluís er búinn að vera gera vitlaust á TikTok enda er hann bæði ljómandi góður og hollur. Helga Magga næringarþjálfari er hér með sinn kotasæluís. Samsett mynd

Þessi kotasæluís er búinn að vera að gera allt vitlaust á TikTok enda er hann bæði ljómandi góður og hollur. Helga Magga, næringarþjálfari og uppskriftahöfundur, segir að þessi ís sé orðinn í miklu uppáhaldi hjá börnunum hennar. Hún birti uppskriftina að sínum uppáhalds kotasæluís á uppskriftasíðunni sinni, Helga Magga, á dögunum sem vel er hægt að mæla með.

Helga Magga mælir með því að gera tvöfalda uppskrift því það sé leiðinlegt að bíða eftir næsta skammti úr frystinum. „Ég hef verið að gera ísinn án próteindufts þar sem börnin mín borða mikið af honum. Að sjálfsögðu er hægt að bæta próteindufti út í ísinn, t.d. 30 grömm af próteindufti með vanillu- eða jarðarberjabragði,“ segir Helga Magga.

Kotasæluís

200 g kotasæla
150 g frosin jarðarber
10 g hunang
safi úr hálfri límónu

Aðferð:

Látið jarðarberin þiðna örlítið á borði
Blandið jarðarberjunum saman við kotasæluna, hunangið og límónusafann í blandara.
Einnig er hægt að nota fersk jarðarber.
Setjið blönduna í ísform eða form sem gott er að geyma í frysti.
Þegar ísinn er frystur er gott að hræra aðeins upp í honum inn á milli.
Berið fram í skál eða í vöffluformum eftir smekk.

@helgamagga.is Kotasæluísinn er kominn inn á heimasíðuna mína ✨ www.helgamagga.is #macros #summertime #proteinicecream ♬ This Magic Moment - Lake Street Dive