Að sögn Steinunnar Reynisdóttur, fagstjóra í garðyrkjudeild Garðheima, á að vera hægt að viðhalda þeim kryddjurtum sem keyptar eru í t.d. matvöruverslunum, kannski ekki allan veturinn en það sé alltaf hægt að kaupa blómaperu svo jurtin dafni við rétt birtuskilyrði. Það þurfi að halda þeim svolítið rökum, ekki rennandi blautum, vökva þær 2-3 sinnum í viku en það fer eftir birtustigi úti og hve heitt er inni á heimilinu.

Frétt af mbl.is

„Aðal dánarorsök plantna á veturna er að fólk er að ofvökva þær“

Steinselja er vinsæl í matargerð hérlendis. Adrian "Rosco" Stef/Unsplash

„Vinsælustu kryddjurtirnar eru þær sem fólk er að nota mikið eins og steinselja, basilíka, timían og rósmarín. Aðalmálið er að umpotta þær kryddjurtir sem keyptar eru úti í búð í stærri pott og hafa þær í þokkalega góðri birtu,“ segir Steinunn. „En basil er mikil kuldaskræfa og það má ekki hafa hana þar sem er t.d. opinn gluggi.“

Steinunn segir jafnframt að rósmarín geti verið erfið. Hún á ekki auðvelt með að spíra fræi. „Margir eiga eflaust rósmarínplöntu frá því í vor en þá er um að gera að koma henni inn og halda henni rakri.“

Hún bendir á að alltaf sé hægt að kaupa vatnsræktunarkerfi fyrir þrjár plöntur og sá fræjum, nokkuð oft, svo fáist reglulega nýjar ferskar plöntur.

Tengdar fréttir

Fróðleiksmolar

Hinn frægi Comté-ostur í forgrunni í verðlaunakvikmynd og í smakki

• Páskaegg matgæðinganna sem heilla gestina upp úr skónum
• Orka og kyrrð í einum drykk
• Áttu ferskt engifer sem liggur undir skemmdum?
• Þekkir þú rósasalat?

» Fleiri tengdar fréttir

• Blogga um frétt