Allt ætlaði um koll að gera þegar Bratt mætti til leiks

Matarhátíðin Food and fun stendur sem hæst þessa stundina og allt iðar af lífi á þeim 17 veitingastöðum sem taka þátt í ár.

Mikið var um dýrðir á veitingastaðnum OTO þegar Mattias Bratt mætti til leiks í eldhúsið og réttirnir voru bornir fram til matargesta. Mikil stemning ríkti á staðnum og Bratt náði að heilla gestina með réttunum sem hann bar fram í samstarfi við Ara Jónsson og teymið á OTO.

Drifkrafturinn bak við vinsæla veitingastaði í Stokkhólmi

Bratt er drifkrafturinn á bak við hina vinsælu veitingastaði Racamaca og Ring Katarina í Stokkhólmi. Árið 2015 opnaði hann, ásamt viðskiptafélaga sínum Rasmus Langer, veitingastaðinn Racamaca; tapasbar með basknesku ívafi staðsettan í hjarta Södermalm. Staðurinn hefur fljótt orðið eftirlæti heimamanna og fagfólks í veitingageiranum og er oftar en ekki röð út úr dyrum eftir borði.

Með félögunum Fredrik og Erik opnuðu þeir svo Ring Katarina, líflegan vín- og matbar við Katarina Bangata 66, þar sem frönsk og ítölsk matargerð sameinast á einstakan hátt. Mattias er einnig einn af stofnendum Gröna Linjen Bryggeri, og hefur bruggað bjóra sem ratað hafa inn á Michelin-stjörnuveitingastaði.

Þrátt fyrir annasaman starfsferil leggur Mattias mikla áherslu á fjölskyldulífið og talar um eins árs son sinn sem sinn kröfuharðasta gagnrýnanda. Mattias er á Íslandi með eiginkonu sinni og barni sem eru að njóta þess að skoða Reykjavík á meðan Mattias töfrar fram kræsingum á Food and Fun-matarhátíðinni.

Hér má sjá stemninguna og réttina sem í boðið eru á Food & Fun matseðlinum hjá OTO.