Andrés er nýkrýndur Grænmetiskokkur ársins 2025
Setja bókamerki
Grænmetiskokkur ársins 2025 fór fram í fyrradag í verslun IKEA. Keppnin var haldin í sérútbúnum keppniseldhúsum við útgang verslunarinnar. Verðlaunaafhending fór fram í Bjórgarðinum í kvöld, þar sem úrslitin voru kunngjörð.
Andrés Björgvinsson frá Lúx-veitingum sigraði keppnina með glæsibrag. Andrés mun keppa fyrir Íslands hönd á norræna meistaramótinu Nordic Green Chef, sem haldið verður í Herning í Danmörku í mars á næsta ári.
Í öðru sæti var Monica Daniela Panait frá Hótel Geysi og í þriðja sæti var Kamil Ostrowski frá veitingastaðnum Brak.
Alls tóku fjórir keppendur þátt að þessu sinni, Andrés, Dominika Kulińska, Kamil og Monica og öll stóðu þau sig framúrskarandi vel og töfruðu fram girnilegum grænmetisrétti.
Skylduhráefni keppenda fyrir þriggja rétta matseðil var eftirfarandi:
Forréttur:
- Tómatur, fennel og blaðsellerí
Aðalréttur:
- Arborio hrísgrjón, hvítur spergill og grasker
Eftirréttur:
- Basilíka, jarðarber og rjómaostur
Haldin í annað sinn
Var þetta í annað sinn sem keppnin Grænmetiskokkur ársins var haldin á vegum Klúbbs matreiðslumeistara. Fyrsta keppnin fór fram í fyrra, árið 2024, en þá sigraði Bjarki Snær Þorsteinsson og keppti síðan fyrir Íslands hönd á Global Vegan Chef Europe í Rimini á Ítalíu fyrr á þessu ári. Þar hafnaði hann í þriðja sæti í keppnishópnum Europe North.
Matarvefur mbl.is óskar þeim öllum innilega til hamingju með árangurinn.
Konur taka yfir verkalýðshreyfinguna
Biden með krabbamein
Tveir látnir eftir að seglskip sigldi á Brooklyn-brúna
Engin framlög úr jöfnunarsjóði
Ég vissi að pabbi væri farinn
„Ég er ógeðslega glaður“
Hopp-hjólin fara hálfa leið um hnöttinn á dag