Matur | mbl | 8.4.2025 | 11:30

Svona gerir Helga Magga fiskrétt í kókos- og chili-sósu

Helga Magga nýtur þessa elda fyrir fylgjendur sína á samfélagsmiðlum og deildi uppskrift að þorsk í kókos-og chili-sósu á dögunum sem er að slá í gegn. mbl.is/Árni Sæberg

Helga Magga heilsumarkþjálfi og samfélagsmiðlari er iðin við að elda fyrir fylgjendur sína á Instagram og TikTok og gerði þennan fiskrétt á dögunum. Þessi fiskréttur er dásamlega góður og á vel við alla daga vikunnar. Í réttinum er þorskur bakaður í kókos-chili-sósu og það er chili-olían sem setur punktinn yfir i-ið í orðsins fyllstu merkingu.

Þorskur lagaður í kókós- og chili-sósu. Ljósmynd/Helga Magga

Helga Magga tók fræin úr chilinu en það er mun sterkara að hafa fræin með. Helga var með eina venjulega kókosmjólk og aðra létta kókosmjólk. Með réttinum bar hún fram tilbúið sætkartöflusalat og brokkólísalat en hver og einn getur valið meðlæti sem passar hans smekk.

Hér fyrir neðan má sjá Helgu Möggu leika listir sínar í eldhúsinu.

@helgamagga.is Þorskur í kókos chillí sósu Þú færð allt í þennan rétt í @Hagkaup ♬ NUEVAYoL - Bad Bunny

Þorskur í kókos- og chili-sósu

800 - 1000 g þorskbitar
2 dósir kókosmjólk
1 msk. ólífuolía
1 laukur
2-3 hvítlauksrif
15 g ferskt engifer
1 ferskt chili
1 tsk. sykur
1 fiskiteningur
salt eftir smekk
ferskt kóríander, eftir smekk (má sleppa)
chilí-olía
niðursneiddur vorlaukur eftir smekk
1 límóna

Aðferð:

Byrjið á því að skera laukinn og hvítlaukinn smátt niður og steikja upp úr olíunni.
Bætið síðan engiferi og chili út á pönnuna ásamt því að rífa smá límónubörk út á. Hellið kókosmjólkinn semi er hellt út á pönnuna ásamt einum fiskiteningi og látið malla í um það bil 20 mínútur.
Saltið þorskinn örlítið og raðið síðan út á pönnun og, hitið við miðlungs hita í um það bil 10 mínútur.
Á meðan fiskurinn er að eldast er tilvalið að sjóða hrísgrjón.
Þegar þið berið fiskinn fram fiskurinn og setjið á diskinn er upplagt að dreifa kóríander og vorlaukur yfir ásamt því að kreista smá límónasafa yfir.
Toppið réttinn síðan með chili-olíunni.