Matur | mbl | 17.4.2025 | 6:30

Guðdómlegt páskabrauð með trönuberjum og appelsínu úr smiðju Árna

Árni Þorvarðarson bakari bakar ávallt páskabrauð fyrr sína nánustu sem er bæði sætt og mjúkt og ilmurinn er svo lokkandi. mbl.is/Eyþór

Þetta er uppskrift að páskabrauði sem gleður, einstaklega mjúkt og ilmandi heimabrauð. Hið fullkomna brauð til að baka á skírdag eða morgni páskadags og vekja heimilisfólkið með lokkandi ilmi. Þetta er sætt og mjúkt brauð með appelsínukeim og trönuberjum og uppskriftin gefur 2 stór brauð eða 3 minni.

Ljúffenga páskabrauðið hans Árna sem á eftir að gleðja marga um páskana. mbl.is/Eyþór

Heiðurinn af þessari guðdómlegu uppskrift á Árni Þorvarðarson, bakari og fagstjóri við Hótel- og matvælaskólann í Kópavogi.

Hann vonar að lesendur njóti þess að prófa þessa uppskrift og finni gleðina sem felst í því að búa til eitthvað gott frá grunni. Það þarf oft ekki mikið til að skapa hlýju og ánægju á heimilinu – stundum er ilmandi brauð eða nýbakaður snúður nóg til að gera daginn betri. Njótið þess að deila þessu með öðrum.

Trönuberin passa ákaflega vel í páskabrauðið. mbl.is/Eyþór

Páskabrauð með trönuberjum og appelsínu

280 g volgt vatn
1 stórt egg
56 g sykur
56 g smjör
8 g salt (1½ tsk)
14 g þurrger (ca 1 msk)
600 g hveiti
1–2 tsk appelsínuþykkni (eftir smekk)
110 g trönuber
Egg til penslunar
Hnetur (valkvætt, til skrauts)

Aðferð:

Skref 1

Byrjið á því að hnoða deigið.
Setjið vatn, egg, sykur, smjör, salt, ger, hveiti og appelsínuþykkni í hrærivél (allt nema trönuber og hnetur).
Hnoðið á hægum hraða í 4 mínútur og svo á miðlungshraða í aðrar 4 mínútur.
Bætið rúsínum út í undir lok hnoðunar og látið blandast vel.

Skref 2