Súkkulaði- og kirsuberjaþeytingur sem gerir daginn betri
Súkkulaði- og kirsuberjaþeytingur sem gerir alla daga betri.
Ljósmynd/Hildur Ómarsdóttir
Setja bókamerki
Hildur Ómars matarbloggari gerði þennan gómsæta og næringarríka súkkulaðisþeyting á dögunum sem er kærkomið að njóta í sumar.
Kakóbragðið kemur sterkt í gegn á meðan kirsuberin gera hann ferskan sem gerir góðan grunn að þeyting sem hægt er að bústa upp enn þá meira með því að bæta í hann ofurfæðum sem þið viljið fá inn í daginn. Chaga, moringa, engifer og hampfræ eru til að mynda hráefni sem eiga það til að fljóta með í þessum grunni hjá Hildi. Fyrir þá sem vilja þykkari þeyting er tilvalið að nota frosna banana í blönduna í stað ferskra.
Súkkulaði- og kirsuberjaþeytingur
Fyrir 2
- 2 bananar
- 220 g frosin kirsuber
- 2 msk. lífrænt kakó
- 5 ferskar steinhreinsaðar döðlur
- 2-2,5 dl ósykruð möndlumjólk
- 1 msk. möndlusmjör (valfrjálst)
Aðferð:
- Setjið allt hráefnið í blandara og blandið vel saman.
- Hellið í viðeigandi glös og njótið.
Beitir óvenjulegum leiðum til að tryggja frið
Boðar tafarlausar vopnahlésviðræður
„Við erum bara ennþá í smá sjokki yfir þessu“
Sýn vill aukinn ríkisstyrk og almannaþjónustuhlutverk
Alltof geyst farið í hækkun veiðigjalda
Svalara loft í augsýn
Hart tekist á um ástæðu húsnæðisvandans
Slæmt að hafa ábyrgð en engin völd