Matur | mbl | 18.5.2025 | 6:30

Gráðostasósan sem þú átt eftir að missa þig yfir

Gráðostasósan sem þú átt eftir að missa þig yfir. mbl.is/Eggert Jóhannesson

Þessi gráðostasósa er tryllingslega góð og steinliggur með grilluðum fiskréttum, kjúklingi, steikum og meira segja grænmeti. Áferðin á þessari sósu er gróf sem gerir hana enn betri. Þeir sem elska gráðosta eiga eftir að missa sig yfir þessari.

Rúnar Gíslason er meistari í sósugerð. mbl.is/Eggert Jóhannesson

Rúnar Gíslason matreiðslumeistari, eigandi Spírunnar og veisluþjónustunnar Kokkanna, á heiðurinn af þessari ómótstæðilega góðu gráðostasósu. Þetta er þriðja uppskriftin að grillsósu sem hann afhjúpar fyrir lesendum sem kemur sér afar vel þar sem grillveðrið hefur verið upp á sitt besta síðustu daga.

Kryddsósan hans Rúnars eru töfrar fyrir bragðlaukana að njóta

2 stk. íslenskur gráðostur (2x120 g)
1 dl hvítvínsedik
180 g sýrður rjómi
120 g majónes
1 tsk. hunang
Sjávarsalt eftir smekk
Mulinn svartur pipar eftir smekk

Aðferð:

Takið annan gráðostinn og hellið edikinu yfir.
Stappið þetta saman.
Blandið svo öllu saman nema hinum gráðostinum og hrærið vel.
Grófstappið svo hinn gráðostinn í sér skál og hellið sósugrunninum yfir og hrærið.
Geymið í kæli þar til þið ætlið að bera hann fram.