Matur | mbl | 27.5.2025 | 6:30

Syndsamlega góð rabarbaraostakaka sem þú verður að prófa

Létt og góð rabarbaraostakaka sem á vel við núna. Ljósmynd/Hanna Thordarson

Nú má finna rabarbara víða í görðum enda uppskerutími hans í hæstu hæðum þessa dagana og þá er lag að skella í köku þar sem hann er í forgrunni. Hér er á ferðinni syndsamlega góð rabarbaraostakaka sem erfitt er að standast. Heiðurinn að uppskriftinni á Hanna Thordarson, matgæðingur með meiru, sem heldur úti sinni eigin uppskriftasíðu.

Kakan er létt og góð og gott er að gera hana til daginn áður bera á hana fram. Að sögn Hönnu er hún eiginlega betri þegar hún fær að jafna sig yfir nótt í kæli. Nú er bara að fara og næla sér í rabarbara og hefja baksturinn.

Rabarbaraostakaka

Botn

300 g digestive kex
100 g smjör

Aðferð:

Setjið bökunarpappír í botninn á 22 cm smelluformi.
Myljið kexið í matvinnsluvél eða mortéli.
Bræðið smjör og blandið saman við kexmulninginn.
Setjið í botninn á forminu og þrýstið á.

Fylling

2 blöð matarlím
400 g rabarbari
¾ dl sykur
2 tsk. vatn
500 g rjómaostur
1½ dl flórsykur
1 tsk. vanillusykur
1 tsk. lífrænn sítrónubörkur – rifinn fínt
1½ dl rjómi

Aðferð:

Setjið matarlímiðið í kalt vatn í u.þ.b. 5 mínútur.
Skerið rabarbarann í 3 cm bita.
Setið í pott ásamt sykri og vatni.
Hitið og látið sjóða í 7 mínútur án þess að hræra í.
Látið kólna
Hrærið saman rjómaosti, flórsykri, vanillusykri og sítrónuberki saman.
Takið síðan rabarbarabitana varlega upp úr pottinum.
Hitið löginn, vökvann sem eftir er í pottinum, varlega og látið matarlímið bráðna ofan í – hrærið stöðugt.
Látið aðeins kólna og blandið saman við rjómaostablönduna ásamt rabarbarabitunum.
Þeytið rjómann og blandið varlega saman við, dreifið blöndunni yfir kexmulninginn
Dreifið síðan toppblöndunni yfir í lokin, sjá uppskrift fyrir neðan.
Setjið síðan plastfilmu yfir og látið standa í 5 – 6 klukkutíma í kæli (eða yfir nótt)
Takið úr forminu og setjið á kökudisk.